Mbrëmjen e sotme, në “Red Bull Arena”, vendasit e Leipzig do të presin “qytetarët” e Manchester City, në një përballje të vlefshme për raunin e 1/16-ve, të UEFA Champions League.
Në konferencën para ndeshjes ditën e sotme i pranishëm ishte dhe anësori algjerian i Manchester City, Riyad Mahrez, i cili ka shumë besim se ekipi i tij do të arrijë të triumfojë këtë sezon në Champions League, trofe ky që kërkohet prej vitesh nga “qytetarët”.
“Ne jemi një ekip i krijuar për momente kaq të veçanta. Ne duhet ta fitojmë këtë trofe, të gjithë e duan atë. Ne kemi lojtarë që mund të bëjnë diferencën në momentet kyçe, përfshirë edhe mua”,- u shpreh në fjalën e tij, Mahrez. /i.m /abcnews.al
