Skuadra e Marokut do të luajë finalen e “ngushëllimit” ndaj Kroacisë të shtunën, pas humbjes nga Franca e Mbappe dhe Griezmann. Në përbërje të skuadrës afrikane, ku kanë spikatur emra të panjohur për shumëkënd, është një lojtar më i njohur që ka rritur shumë çmimin e tij në treg .
Bëhet fjalë për portierin e Sevillas, Bono, i cili ishte kyç për ekipin e tij në raundet kualifikuese kundër Spanjës dhe Portugalisë. Nga Gjermania vihet në dukje interesimi i Bayernit për portierin e Sevillas, pasi Manuel Neuer ka pësuar një dëmtim të rëndë dhe duhet një portier garancie për ta zëvendësuar, ku tashmë, Oliver Kahn është mbështetësi i tij kryesor .
Në Sevilla dyert nuk janë të mbyllura për asgjë. Ata e dinin dhe donin që Kupa e Botës të hapte dyert për një shitje të madhe. Ata vetëm kishin frikë se propozimi më sugjerues do të ishte për njeriun që ka dhënë më shumë performancë në ekip përgjatë 2 sezoneve të fundit, i cili është pikërisht Bono.
Megjithatë, nevoja ekonomike është e madhe, aq më tepër kur synohet rindërtimi i skuadrës në merkaton e janarit. Një shitje e majme do të lejonte “hyrjen” në treg, sepse Bono kushtoi 4 milionë euro në verën e vitit 2020 , pas një viti huazimi në Nervión. Ai ka rinovuar kontratën e tij disa muaj më parë deri në vitin 2025 dhe klauzola e tij shkon nga 30 deri në 50 milionë euro. /i.m /abcnews.al
