Marselino Sherifi është shqiptari që ka mahnitur jurinë e “The Voice of Greece” me zërin e tij. 26-vjeçari nga Tirana arriti deri në finalen e kompeticionit të njohur, duke u përballur me shumë konkurentë.
Në një lidhje me Skype për “ABC e Mëngjesit”, Marselino e ka konsideruar pjesëmarrjen në “The Voice” si ndër më të mirat në jetë.
Ai ka treguar se pas kësaj eksperience i kanë ardhur shumë ftesa nga emisionet më të ndryshme.
“Performanca ime atje ka qenë në ndër më të mirat në jetën time. Kam kënduar pjesë shumë të vështira. Kam marrë shumë telefonata dhe më kanë ftuar në spektakle. Madje së fundmi, është një emision ndër më të njohurit në Greqi që më ka ftuar”.
Më tej, Marselino ka treguar se pasionin për të kënduar e ka kuptuar shumë vonë, pasi fillimisht është marrë me instrumentat muzikor si firzamonika apo organo.
“Unë më përpara luaja firzamonik dhe organo, edhe kam marrë pjesë në shumë aktivitete shqiptare dhe greke. Unë nuk këndoja, por vetëm pesë vitet e fundit kam nisur të këndoj, që kur martova. Tani kam edhe dy fëmijë”./abcnews.al
