Ndërsa zgjedhjet presidenciale në Francë janë afër, Presidenti Emmanuel Macron ka publikuar një seri fotografish joformale në një përpjekje për të siguruar sa më shumë mbështetje nga votuesit e rinj.
Gjashtë ditë para votimit presidencial, fotografi personal i Macron postoi disa fotografi nga prapaskenat e Presidentit francez në mediet sociale.
Në njërën prej fotove, Macron shihet i shtrirë në një divan të verdhë me këmishën e tij gjysmë të zbërthyer, duke zbuluar qimet në gjoks.
Një sondazh i Ipsos-Sopra Steria dje tregoi se Macron ka fituar epërsi, por “vetëm pak.”
Nga sondazhi doli se Macron ka 55.5% mbështetje ndërsa Le Pen 44.5%. Marzhi i gabimit u vendos deri në 2.4 pikë.
Kjo vjen pasi Macron e tërhoqi fushatën dhe “goditi” rivalen e tij në një miting dje në Marsejë.
Ai tha: E djathta ekstreme përfaqëson një rrezik për vendin tonë.
Marine Le Pen është zotuar të mbajë një referendum për rivendosjen e dënimit me vdekje nëse ajo zgjidhet Presidente.
Kandidati i Tubimit Kombëtar tha: Unë dua që referendumi të bëhet një mjet klasik operativ.
/abcnews.al/
