Pak muaj më parë, Fero habiti me një deklaratë që bëri pasi kërkoi një betejë në rep nga Lyrical Son, Mc Kresha dhe BimBimma. Përmes disa videove të shpërndara në rrjete sociale, Fero shprehej se “dalim para publikut dhe tregojmë se kush është më i forti”.
“Në emision, para publikut apo ku të doni shikoni se kush është më i fortë. Mos më filozofoni për Hip-hop, eja dalim para të gjithëve, para publikut tregojmë se kush është më i forti”, u shpreh Fero asokohe.
Ndërkohë, ka qenë Lyrical Son i cili ka reaguar ndaj deklaratës së tij të bërë dy muaj më parë. Në një intervistë televizive, i pyetur për përplasjet mes dy “shkollave” të muzikës rep, asaj të vjetër dhe të re, reperi tha se “Mercedesi nuk merret me Suzuki”.
Kjo është parë si një përgjigje indirekte drejtuar reperit 23-vjeçar. Kujtojmë që ky i fundit publikoi rreth një muaj më parë projektin me Joker Bra që mban titullin “KaDeWe”. Ndërsa projekti më i fundit i Lyrical Son është bashkëpunimi me MC Kreshën “Ajo po don”, publikuar dy muaj më parë. xh.d/abcnews.al
