Lushnje, sekuestrohen 12 doza kokainë

Pronari i një lokali bastesh në Lushnje u arrestua pasi policia i zbuloi kokainë. Gjatë kontrollit të Forcave të Ndërhyrjes së Shpejtë, u sekuestruan 12 doza me lëndë narkotike Kokainë si dhe u vendos në pranga Redjon Caushi 24 vjeç. Gjithashtu gjatë operacionit u shoqëruan për verifikim dhe 12 persona. Në cilësinë e provës materiale ndaj të arrestuarit u sekuestrua edhe një shkop gome i ngjashëm me atë që përdorin punonjësit e policisë. Në bashkëpunim me Prokurorinë e Rrethit Gjyqësor Lushnje po bëhet sekuestrimi i lokalit të përshtatur për shpërndarje të lëndëve narkotike./abcnews.al