Chelsea shpenzoi këtë verë 115 milionë euro për të sjellë në “Stamford Bridge” Romelu Lukakun nga Interi, duke bërë një nga lëvizjet më të shtrenjta në historinë e Premier League. Prej ditësh belgu ka nisur stërvitjen me skuadrën dhe duket se është gati për debutimin e dytë me Chelsean.
Lajmin e bë të ditur vetë ai, që pas pyetjes së gazetarëve tregon se është gati të zbresë në fushë ndaj Arsenalit në fundjavë, në llogari të javës së dytë të Premier League. 28-vjeçari tregon edhe numrin që ka zgjedhur të mbajë në fanellë.
“Ndihem gati për të zbritur në fushë, i kam bërë të gjitha përgatitjet. Më duhet vetëm të njoh më shumë shokët e skuadrës, por jam në dispozicion nëse trajneri dëshiron që unë të luaj ndaj Arsenal. Numri? Mund të tregoj se kam zgjedhur 9-ën”, tha Lukaku. /abcnews.al
