Christian Vieri nuk ndalet ne daljet e tij “live” në Twitch. “Bobo TV” kishte në fokus këtë herë sulmuesi. Fillimisht folën për Robert Lewandowskin, i cili sezonin e shkuar ishte fantastik me Bayern Munich. Gjithsesi Vieri mendon se tek Interi ai nuk do kishte shënuar dot sa Lukaku.
“Nëse Lukaku do të luante për Bayern Munich, ai do të kishte shënuar po aq sa shënoi Lewandowski. Lewa nga ana tjetër nuk do të mund të shënonte aq shumë nëse do të luante për Interin.
Nicola Ventola, një tjetër ish-sulmuesi i Interit, ishte në lidhje me Vierin dhe tha se “Lukaku është më i mirë se Harry Kane”. Në lidhje me këtë temë foli edhe Antonio Cassano dhe ishte pritshme që ai të mos e lavdëronte belgun, për të cilin këtë herë tha se nuk krahasohet me Lautaro Martinez.
“Lautaro është pesë herë më i mirë se Lukaku. Ai është një miks i Carlos Tevez dhe Sergio Aguero. Ju nuk mund ta krahasoni Lukakun me këto dy monstra të shenjta”, është shprehur Cassano. /abcnews.al
