Pasi një përpjekje për një armëpushim 24-orësh në Sudan dështoi, me armiqësitë që vazhdojnë me akuza nga të dyja palët për shkeljen e tij, numri i të vdekurve dhe të plagosurve vazhdon të rritet.
Në të njëjtën kohë, sipas një dokumenti të klasifikuar të cituar nga CNN, burra të armatosur dyshohet se hynë në shtëpitë e njerëzve që punonin për Kombet e Bashkuara dhe organizata të tjera ndërkombëtare, duke i vjedhur dhe përdhunuar.
Deri më tani, të paktën 270 njerëz janë vrarë dhe më shumë se 2,600 janë plagosur që nga fillimi i trazirave të shtunën, sipas zyrtarëve të Organizatës Botërore të Shëndetësisë.
Sipas një dokumenti të brendshëm të OKB-së, njerëz të armatosur hynë në shtëpitë e punonjëve të Kombeve të Bashkuara, si dhe punonjësve të organizatave të tjera ndërkombëtare, në qendër të Khartoum.
Breaking News ???
Armed groups are raging in the capital, Khartoum. There are looting events as if power cuts are not enough water cuts :/#Sudan #Khartoum #السودان #الخرطوم pic.twitter.com/a3rgNNHU43— Eren ??? (@Eren50855570) April 19, 2023
Sipas të njëjtit burim, personat e armatosur kanë sulmuar seksualisht gratë dhe kanë vjedhur objekte dhe makina. Në Khartoum, personeli që dyshohet se i përkasin Forcave të Mbështetjes së Shpejtë (RSF) hyjnë në shtëpitë e emigrantëve, i ndajnë burrat dhe gratë dhe i marrin me vete”, thuhet në raport.
Gjithashtu u raportua për një rast përdhunimi.
Nga ana e tyre, paraushtarakët i mohuan këto raporte, duke komentuar se nuk kanë sulmuar asnjëherë personelin apo punonjësit e OKB-së dhe se respektojnë të drejtën ndërkombëtare.
Përveç kësaj, ata fajësuan kundërshtarët, kampin e udhëheqësit ushtarak të vendit Abdel Fattah al-Burhan për provokime.
“Kjo është mënyra e dëshpëruar e ushtrisë së Burhanit për të luftuar. Ata po i veshin njerëzit tanë me veshje paraushtarake të RSF-së, në mënyrë që të mund të kryejnë krime kundër civilëve dhe ambasadave dhe grupeve të tjera, duke përfshirë Kombet e Bashkuara, duke dëmtuar imazhin tonë brenda dhe jashtë vendit”, thanë ata.
Megjithatë, Forcat e Armatosura të Sudanit (SAF) mohuan se trupat e saj ishin përfshirë në sulme.
Khartoum mbetet i zhytur në një luftë të përgjakshme për pushtet midis Burhan, udhëheqësit ushtarak të Sudanit, dhe Mohamed Hamdan Daglo, kreut të grupit paraushtarak të RSF.
/abcnews.al
