Linja ajrore gjermane Lufthansa ka thënë se ka pezulluar fluturimet drejt Teheranit për shkak të situatës në Lindjen e Mesme.
Izraeli është aktualisht në gatishmëri për një hakmarrje iraniane pas një sulmi të dyshuar ajror izraelit mbi ambasadën e Iranit në Siri në fillim të këtij muaji, shkruan Sky News.
Një agjenci iraniane e lajmeve shkaktoi shqetësim kur publikoi një raport duke thënë se e gjithë hapësira ajrore mbi Teheran ishte mbyllur për stërvitje ushtarake. Kjo histori u hoq më pas dhe agjencia mohoi se kishte lëshuar një lajm të tillë.
Lufthansa thotë se ka pezulluar fluturimet për dhe nga Teherani nga 6 prilli.
Lufthansa dhe filiali i saj Austrian Airlines janë dy kompanitë e vetme perëndimore që kryejnë fluturime ndërkombëtare në Teheran, të cilat kryesisht shërbehen nga linjat ajrore turke dhe të Lindjes së Mesme./abcnews.al
