Shefi i NATO-s, Jens Stoltenberg ka folur përpara fillimit të samitit të sotëm, shkruan BBC
Ai tha se aleatët janë treguar të gatshëm të mbështesin Ukrainën në të drejtën e saj themelore për mbrojtje, duke nënvizuar faktin se detyra kryesore e aleancës ushtarake është mbrojtja e anëtarëve të NATO-s.
Për shkak se Ukraina nuk është anëtare, aleanca nuk ka dërguar trupa në vend, megjithëse ka rritur praninë e saj ushtarake në vendet fqinje të NATO-s. Stoltenberg tha se udhëheqësit e NATO-s do të flasin sot për një “rivendosje të trupave për parandalimin dhe mbrojtjen e aleancës në një afat më të gjatë”.
“Hapi i parë është krijimi i katër grupeve të reja në pjesën lindore të aleancës, në Bullgari, Rumani, Hungari dhe Sllovaki,” tha ai.
/abcnews.al
