Presidenti rus Vladimir Putin është “diktator dhe më i izoluar se kurrë dhe nuk e ka idenë se çfarë e pret”, tha presidenti amerikan, Joe Biden, duke shtuar se Shtetet e Bashkuara do të mbyllin hapësirën e tyre ajrore për “të gjitha fluturimet ruse”.
Gjatë fjalimit të tij për situatën e Unionit, presidenti amerikan kërcënoi gjithashtu “oligarkët” rusë se Uashingtoni dhe aleatët e tij do i konfiskojnë “jahtet, apartamentet luksoze dhe avionët privatë” , të cilët i blenë duke kryer “krime” dhe për këtë ekipi i Departamentit të Shtetit të SHBA “do t’i ndjekë”, tha Biden.
Në fillim të fjalimit të tij, Joe Biden u bëri thirrje anëtarëve të Kongresit të ngrihen në këmbë për të treguar se janë “në anën e popullit të Ukrainës”, pasi pushtimi rus hyri në ditën e shtatë.
“Fakti që diktatori rus pushtoi një vend të huaj ka kosto për të gjithë planetin ”, tha presidenti 79-vjeçar gjatë fjalimit të tij, i cili, megjithëse tradita e pashkruar politike e do që t’i kushtohet çështjeve kombëtare , këtë herë tema kryesore ishte kriza në Ukrainë.
US President Joe Biden brands Russia’s Vladimir Putin a “dictator” during his State of the Union address.
“A Russian dictator, invading a foreign country, has costs around the world… in the battle between democracy and autocracy, democracies are rising to the moment” pic.twitter.com/WrS6fkNmhn
— AFP News Agency (@AFP) March 2, 2022
“Presidenti rus mendoi se Perëndimi dhe NATO nuk do të reagonin. Ai mendoi se do të na ndante”, tha Biden për luftën që Putin i ka shpallur Ukrainës.
Biden tha se nëse diktatorët nuk paguajnë çmimin për sulmet e tyre, ata shkaktojnë edhe më shumë kaos.
“Putini mund të rrethojë Kievin me tanke, por ai kurrë nuk do të jetë në gjendje të marrë zemrën, shpirtin e popullit ukrainas”, tha Biden./abcnews.al/
