Tre persona janë arrestuar në Stamboll në lidhje me vrasjen e bosit të mafias turke Halil Falyalı. Mësohet se të arrestuarit ishin Mustafa Söylemez, kreu i organizatës kriminale të njohur si “Vëllezërit Soylemez” dhe dy të tjerë, bashkëpunëtorë të tij.
Pas vrasjes, të tre ata u larguan me një skaf të shpejt nga Qiproja e Veriut për në Turqi, kun ë një moment gjatë rrugës në në bregdet janë fiksuar edhe nga kamerat e sigurisë.
Të tre ata janë duke u marrë në pyetje në Drejtorinë e Policisë së Stambollit.
Detaje tronditëse nga vrasja
Mediat turke kanë publikuar detaje tronditëse nga vrasja e tij.. Vrasja e organizuar ndodhi në lagjen Çatalköy të Kyrenias dy netë më parë. Halil Falyalı, i cili kishte hotele, kazino dhe biznese bastesh virtuale jashtë Qipros, kishte shtuar numrin e rojeve sëfundmi dhe po udhëtonte me një automjet të blinduar, raporton abcnews.al.
Ai u nis nga hoteli Les Ambassadeurs në Kyrenia për në shtëpinë e tij me gruan e tij Özge Falyalı dhe tre fëmijët e tyre të vegjël. Pasi futi familjen e tij në automjetin e blinduar, udhëtoi me një automjet tjetër për herë të parë pas shumë kohësh.
Lexo edhe: Dje u ekzekutua nga ekspertë, lidhjet e bosit të mafias turke me “Sami Shqiptarin”: Akuzat e Sedat Peker dhe kontaktet me nëntokën e Turqisë
Teksa autokolona me tre automjete, njëra prej të cilave i përkiste truprojave të tij, po i afrohej vilës në Çatalköy, në rrugën e ngushtë dhe të errët ka ulur shpejtësinë për shkak të një automjeti që kishtë bllokuar rrugën.
Të parin vranë shoferin
Sulmuesi i parë, i cili doli nga mjeti që bllokoi rrugën, fillimisht hapi zjarr ndaj shoferit Murat Demirtaş dhe më pas ndaj Halil Falyalı, i cili ishte ulur në sediljen e përparme të mjetit. Ai u qëllua me brëshëri kallashnikovi. Mjeti i blinduar që ndodhej pas familjes së tij dhe mjeti i tretë me truprojat e tij nuk u qëlluan. Sulmuesit u larguan me shpejtësi nga vendi i ngjarjes me dy automjete, njëra prej të cilave ishte marrë me qira, ndërsa rojet u përpoqën të siguronin familjen.
16 plumba
Ndërsa shoferi Murat Demirtaş humbi jetën gjatë sulmit, Halil Falyalı, i mbuluar me gjak, u dërgua me ambulancë në spitalin Nikosias. Atij iu bë masazh i vazhdueshëm dhe frymëmarrje artificiale. Pavarësisht të gjitha ndërhyrjeve, Falyalı vdiq në spital. Kryemjeku i spitalit Prof. Dr. Müfit Yenen shpjegoi se Falyalı, i cili pësoi plagë të shumta me armë zjarri nga koka në këmbë, nuk mundi të shpëtohej. Në autopsinë e kryer dje në spital, nga trupi i Falyalı janë nxjerrë 16 plumba. /abcnews.al
