Lokomotiva e Zagrebit ka fituar me rezultatin 3-1 ndaj Zapresic, sfidë e vlefshme për javën e 15-të të kampionatit kroat. Sot, ekipi i kryeqytetit aktivizoi plot 5 shqiptarë si titullarë. Uzuni, Kastrati, Mersinaj, Çokaj dhe talenti Tuci e nisën këtë sfidë nga minuta e parë, duke ndihmuar ekipin e tyre të marrë një fitore shumë të rëndësishme.
Kjo fitore 3-1 ndaj Zapresic, e ngjit Lokomotivën në vend të tretë në kampionat, në kuotën e 25 pikëve. Përpara në tabelë, qëndrojnë vetëm Hajduk Split (27) dhe Dinamo Zagreb (31).
Mesfushori i kombëtares, Emanuele Ndoj, nuk u aktivizua në humbjen e Brescias 0-4 kundër Torinos, duke qëndruar në stol për 90 minuta. Fillimi i aventurës së Ndoj në Serie A, ka filluar i ngadaltë, pasi po vuan të gjejë minuta në elitën e futbollit italian./abcnews.al
