Hardhucat dhe një shumëllojshmëri gjarpërinjsh janë ndër speciet që mund t’i gjeni në lokalin e Yap Ming Yang në periferi të kryeqytetit të Malajzisë, Kuala Lumpur.
Këto specie zakonisht rriten në këtë vend dhe vizitorët në kafene, duke përfshirë fëmijë, mbajnë dhe përkëdhelin kafshët ndërsa porosisin pije dhe ushqim.
“Njerëzit kujdesen vetëm për kafshët me gëzof, macet, qentë, por njerëzit gjithmonë lënë jashtë zvarranikët dhe gjarpërinjtë”, thotë Yap.
Ai punon në ekologji dhe është pjesë e një komuniteti ë interesuar në herpetologji, shkenca që studion zvarranikët.
“Prandaj, shpresoj që duke i treguar publikut se sa interesantë janë, do të sigurojmë që ata të kenë një përvojë më të mirë me zvarranikët dhe kafshët më pak të dashura”, thotë Yap.
Malajzia, një vend në Azinë Juglindore, karakterizohet nga një biodiversitet i pasur, por është gjithashtu një burim kryesor i tregtisë së paligjshme të kafshëve të egra./abcnews.al
