Do të provojë edhe ligën ruse.
Miralem Pjaniç është një futbollist I njohur e padyshim shumë I talentuar, ndërsa për prezantimin në ekipin e tij të ri zgjodhi diçka tepër të veçantë.
Futbollisti përshëndeti, ndërsa në faqën zyrtare në jutub të CSKA-së së Moskës u paraqit shkurtimisht kariera e tij jo pak e rëndësishme.
Ish-ylli I Mecit, Lionit, Romës, Juventusit, Barcelonës, Beshiktashit dhe Sharjahut në Emiratet e Bashkuara Arabe, do të ketë etapën e tij në elitën e futbollit rus.
Nuk dihet nëse ideja ishte e tij, apo e dikujt tjetër, por fakti është se Miralem Pjanic u prezantua në stadiumin e CSKA-së, “VEB Arena” I hipur mbi një kalë të bardhë.
Në moshën 34-vjeçare, ai nuk pritet të jetë në maksimumin e formës si dikur, por gjithsesi, CSKA shpreson që Pjaniç të jetë në formë.
Jo më kot ylli I Bosnjë-Hercegovinës cilësohet si futbollisti më I mirë në histori I Romës për goditjet e dënimit.
Po ashtu, është shpallur katër herë kampion I Italisë me Juventusin dhe ka fituar dy herë Kupën, ashtu siç ka fituar Kupën e Mbretit edhe tek Barcelona.
CSKA ndodhet në vendin e gjashtë në Premier Ligën ruse, dhe duket se do ta ketë të vështirë të pretendojë për trofe këtë sezon. /abcnews.al
