Forcat ligjzbatuese turke dhe ato të huaja kanë sekuestruar një sasi rekord kokaine që ishte nisur nga Amerika e Jugut në Turqi. Kështu është zbuluar edhe roli në rritje i trafikantëve të vendit në transportin e drogës në tregjet evropiane dhe të Lindjes së Mesme.
Sipas raportimeve, autoritetet ekuadoriane sekuestruan afërsisht 850 kilogramë kokainë në portin e Guayaquil nga një kontejner me banane me destinacion Turqinë.
Dërgesa ishte pothuajse identike me një ngarkesë të veçantë të kapur në portin turk të Mersinit në prill, gjithashtu nga Guayaquil dhe që përmbante mbi 250 kilogramë kokainë.
Konfiskimet, sipas ekspertëve të konsultuar nga InSight Crime, janë vetëm maja e ajsbergut kriminal, pasi krimi i organizuar turk, prej kohësh mbret i tregtisë evropiane të heroinës, kthehet gjithnjë e më shumë te kokaina për të kompensuar rënien e çmimeve të opiateve.
Dhe ndërsa janë ende lojtarë dytësorë në Evropë në krahasim me mafiozët italianë dhe shqiptarë, rrjetet turke tani po marrin drejtimin në furnizimin e tregjeve më të vogla, por në zhvillim të kokainës në botë, duke shtyrë “pluhurin” e Amerikës së Jugut në Evropën Lindore, Kaukaz dhe shtetet e pasura të naftës, raporton InSight Crime. /abcnews.al/
