Liverpool nuk heq dorë nga transferimi i talentit të Fullham, Fabio Carvalho. Edhe pse “The Reds” nuk arritën ta realizonin këtë transferim gjatë merkatos së dimrit, drejtuesit do të tentojnë që lojtarin e Fullham ta bëjnë të tyrin gjatë merkatos së verës.
Kryesorë në këtë transferim është trajneri Jurgen Klopp, i cili ka shprehur pëlqim për portugezin e natyralizuar si anglez dhe ka thënë se dëshiron me çdo kusht transferimin e tij.
Por për Carvalho ka shumë konkurencë, dhe Liverpool ka shpejtuar edhe negociatat me Fullham për t’iu paraprirë çdo gjëje.
“Footbal Insider” ka raportuar se The Reds janë futur në bisedime me Fulhamin dhe duan të sigurojnë shërbimet e lojtarit sa më parë. Borussia Dortmund, Chelsea e Manchester United janë vetëm disa nga “kërcënimet” e Liverpool në këtë transferim.
Gjithsesi mediat angleze raportojnë se londinezët do të ishin të kënaqur të fitonin mbi 15 milionë euro nga shitja e Carvalhos.
19-vjeçari këtë edicion në 20 ndeshje me fanellën e Fulham ka shënuar tetë gola dhe ka asistuar në katër të tjerë. /f.a/abcnews.al
