Ish-sulmuesi i njohur anglez, Michael Owen, ka folur për BT Sport sa i takon ekipit të Liverpool. Oëen ka luajtur për të kuqtë dhe ka kaluar periudhën e tij më të suksesshme të karrierës në “Anfield Road”, aty ku fitoi dhe “Topin e Artë” në vitin 2001.
Sa i takon ekipit që Jurgen Klopp ka ndërtuar vitet e fundit, Owen beson me bindje të plotë se kjo është skuadra më e mirë në historinë e futbollit anglez. Në fjalën e tij, ish-bomberi anglez tha: “Duhet ta themi se kjo është një ndër skuadrat më të mira që është ndërtuar ndonjëherë në historinë e futbollit, për mua më e mira e ndërtuar ndonjëherë në futbollin anglez.
E vetmja gjë që iu ka ngelur të bëjnë, është të presin muajin maj dhe të ngrenë trofeun e Premier League. Kush do i mposhtë ata? Duken të pamposhtur dhe kjo gjë po shihet prej muajsh të tërë”, tha mes të tjerash Owen në BT Sport./abcnews.al
