Në konferencën për shtyp, në prag të gjysmë-finales me Kroacinë, tekniku argjentinas Lionel Scaloni foli për polemikat e shumta lidhur me ndeshjen kundër Hollandës, ku fituese doli kombëtarja “albiceleste”.
Scaloni nuk e mohoi se në ndeshje të tilla, mund të krijohen dhe polemika, por në asnjë moment lojarët e tij nuk kanë shfaqur munges respekti.
“Ndeshja kundër Holandës u luajt siç duhej, si nga ana jonë dhe nga holandezët. Në ndeshje si këto ka momente të ndryshme dhe mund të ketë polemika. Ne dimë të humbasim, ashtu siç dimë të fitojmë. Duhet të mohojmë të gjitha gjërat që janë thënë për ne, sepse ne respektojmë shumë kundërshtarët tanë, humbëm kundër Arabisë dhe heshtëm është shumë e thjeshtë”,- u shpreh në fjalët e tij, tekniku Scaloni. /i.m /abcnews.al
