Charlotte na mëson se një njeri lind një luftëtar në jetën e tij. Që nga momenti i lindjes, ajo e kaloi pothuajse të gjithë jetën në një spital larg nënës, babait dhe motrës binjake.
Gjithsesi, e gjithë kjo i përket së shkuarës, pasi vogëlushja doli nga spitali dhe u kthye në shtëpinë e saj, pas një operacioni shpëtimi që i dha asaj një shans të dytë në jetë.
Historia e Charlotte
Charlotte dhe motra e saj binjake identike Olivia kanë lindur në dhjetor 2021, por në janar, Charlotte u shtrua në spital me një infeksion të frymëmarrjes. Fillimisht, e vogla u vendos në një aparat oksigjeni dhe më vonë mjekët diagnostikuan stenozë trakeale dhe unaza të plota trakeale, një defekt gjenetik në rrugët e saj të frymëmarrjes.
Shefi i otolaringologjisë pediatrike në Spitalin e Fëmijëve Rady, ku Charlotte u trajtua, tha se gjendja e saj ishte e rrallë. Ajo që do ta kishte shpëtuar vogëlushen që të jetonte normalisht, pa mbështetje mekanike, ishte një operacion me vetëm 20% mundësi suksesi.
Kirurgjia
Operacioni i Charlotte ishte një sukses! Mjekët e quajtën Charlotte një “luftëtare” pasi vogëlushja i mbijetoi jo vetëm operacionit të rrezikshëm, por edhe periudhës kritike pas operacionit.
Pas 185 ditësh shtrimi në spital, vogëlushja kthehet në shtëpi me motrën e saj binjake dhe prindërit e saj, të cilët po lundrojnë në një det lumturie./abcnews.al
