Socialistët rrëzuan sot edhe dy dekrete të tjera të Presidentit të Republikës, duke e cuar në 7 numrin e rrëzimeve brenda një jave. Komisioni i Ligjeve nuk pranoi vëretjet e Presidentit as për ligjin për vetëqeverisjen vendore, e as për Kodin Penal. Pas këtyre rrëzimeve të njëpasnjëshme, këshilltari i Metës tha se cilësia e vendimmarrjes së Kuvendit është ulur.
Shkon në 7 numri i dekreteve të Presidentit që Komisionet Parlamentare rrëzojnë brenda javës së parë të këtij sesioni. Komisioni i Ligjeve nuk i pranoi vëretjet e Ilir Metës për ligjin për vetëqeverisjen vendore, madje Relatori Bashkim Fino tha se Presidenti e kishte çështjen personale me të.
Të njëjtin fat patën dhe vërejtjet e Presidentit për ndryshimet në Kodin Penal. Spatak Braho akuzoi kreun e shtetit për nivel të ulët argumentimi ligjor.
Që nga e hëna, Këshilltari Ligjor i Presidentit ka mbrojtur përpara kuvendit 7 dekrete, të gjitha të rrëzuara. Por, a është ulur vërtetë cilësia e dekreteve të Ilir Metës?
Këto dekrete pritet të rrëzohen përfundimisht të enjten e ardhshme në seancën plenare. /ABC News Albania 24/7
