Komisioni i Ligjeve ka nisur mbledhjen e sotme duke kujtuar deputetin Bashkim Fino i cili humbi jetën pak ditë më parë.
Fino ndërroi jetë pasi ishte i infektuar me koronavirus, ndërsa nuk arriti të mbijetojë.
Komisioni për Çështjet Ligjore, anëtar i së cilit ishte Fino e ka kujtuar sot deputetin e ndjerë me anë të një video përkujtimore. Në videon e shfaqur ndër të tjera thuhej se Bashkim Fino do të kujtohet gjithnjë si një njeri i qeshur dhe me zemër të madhe.
“I paharruar qoftë kujtimi i tij,” tha kreu i komisionit Ulsi Manja dhe vazhdoi më pas me diskutimin e rendit të ditës.
