Sayyed Hassan Nasrallah, lideri i grupit Hezbollah, me bazë në Liban, që gëzon mbështetjen e Iranit, ka thënë se veprimet e fundit të Izraelit, nuk do të mbeten pa një përgjigje “të fuqishme dhe efektive”.
Ai i ka bërë këto deklarata derisa rriten shqetësimet për mundësinë e një lufte të madhe në rajon.
Hezbollahu ësht grup i shpallur terrorist prej Shteteve të Bashkuara.
Për muaj, Izraeli dhe Hezbollahu kanë kryer sulme kufitare – përfshirë një sulm vdekjeprurës me raketë të nisur prej Libanit, më 27 korrik, që ka goditur Lartësitë e Golanit, të pushtuara prej Izraelit, duke lënë 12 fëmijë të vrarë – që kanë lënë të vrarë shumë persona dhe kanë detyruar shpërnguljen e mijëra tjerëve.
