Suad Lici, drejtor i klubit Vllaznia, është i ftuar në studiot e ABC News, në emisionin Pressing, ku ka komentuar kampionatin e deritanishëm që po bën skuadra e tij. Mes të tjerash, Lici tha se dora e trajneit Mirsad Jonuz është ndjerë te kuqeblutë.
“Vllaznia nuk është rastësisht aty. Ka përforcuar shumë mbrojtjen. Duket edhe dora e trajnerit. Nëse fiton me Laçin, fiton me Kukësin, me Skënderbeun, barazon në Durrës: Të gjitha këto rezultate nuk janë rastësi”, ka deklaruar administratori i Vllaznisë.
“Jemi formuar vonë, për arsye politike e shumë gjërave që kanë ndodhur në Shkodër. Trajneri ka pasur në dispozicion vetëm 23 ditë. Edhe kompletimi i skuadrës është bërë me vonesë. Tani skuadra ka hyrë në nivelin e vet dhe trajneri e ka pranuar, pasi ka thënë që skuadra e vërtetë do të shihet në nëntor. Leku nuk bën gjithçka, nuk duhet për të bërë një skuadër me një frymë të mirë”, tha Lici./abcnews.al
