Një ngjarje e rëndë ka ndodhur mbrëmjen e djeshme në qytetin e Librazhdit. Një burrë ka masakruar bashkëshorten me thikë duke e plagosur rëndë. Gruaja mësohet se nuk ka mundur t’u mbijetojë plagëve dhe ka humbur jetën në spital pak momente më vonë.
Autori i ngjarjes, Daut Gjokola 50 vjeç, mësohet se pas sulmit me thikë ndaj bashkëshortes, është hedhur nga kati i 5 i pallatit ku banonte, duke gjetur vdekjen në vend. Pamjet që po shihni në ekran tregojnë edhe trupin e viktimës, i cili në kushte të rënda psikologjike, menjëherë pasi qëlloi bashkëshorten, u vetëvra. Ende nuk dihen shkaqet e kësaj ngjarjeje të rëndë, ndërsa policia pasi ka bërë këqyrjen e vendit të ngjarjes, po kryen veprimet e tjera hetimore. /ABC news Albania 24/7
