Presidentja e Kosovës, Vjosa Osmani e ka mirëpritur vendimin e ministrave të BE-së për ta votuar në parim liberalizimin e vizave për Kosovën.
Përmes një postimi në rrjetet sociale, Osmani u shpreh se Kosova ka përmbushur kriteret pesë vite më parë dhe ky proces është shumë i vonuar.
“Ne e mirëpresim unanimin e sotëm të Këshillit të BE-së. Vendimi për liberalizimin e shumë merituar të vizave për banorët e Kosovës. Duke përmbushur kriteret 5 vjet më parë, ky proces i vonuar është megjithatë një fitore për qytetarët dhe shtetin më të ri të Evropës. Faleminderit të gjithë partnerëve tanë që na qëndruan pranë!”, shkroi Osmani në Twitter.
We welcome today’s unanimous @EUCouncil decision on the much-deserved visa liberalization for the people of ??.
Having met the criteria 5 yrs ago, this overdue process is nonetheless a gain for Europe’s youngest citizens & country.
Thank you to all our partners who stood by us! pic.twitter.com/mjZWeSs6ks
— Vjosa Osmani (@VjosaOsmaniPRKS) March 9, 2023
Ministrat e Brendshëm të 27 vendeve të Bashkimit Evropian miratuan sot vendimin për liberalizimin e vizave për Kosovën në takimin e Këshillit të Punëve të Brendshme në Bruksel.
Ministrat e miratuan këtë vendim “në lexim të parë”, pa diskutime, pasi për këtë më herët në takim të ambasadorëve ishin pajtuar përfaqësuesit e përhershëm të vendeve anëtare./abcnews.al
