Rbert Lewandowski tashmë është kthyer në një nga serialet në këtë merkato dhe duket se do të shkojë shumë. Këtë të mërkurë gazeta Bild zbuloi një situatë të përjetuar në dhomën e zhveshjes së Bayernit gjatë së cilës sulmuesi do të ishte i pakënaqur. Lojtari pati një bisedë telefonike dhe, megjithëse ishte në polonisht, shokët e skuadrës dëgjuan se si ai përsëriste termin Barcelona.
Biseda u zhvillua me një ton të zemëruar, duke nënkuptuar zemërimin e golashënuesit. Shokët për shkak të gjuhës, nuk e kuptuan përmbajtjen e saj, megjithëse i kuptonin disa fjalë. “Lewandowski tha pa pushim Barcelona”.
Biseda u zhvillua disa ditë para ndeshjes kundër Wolfsburgut. Kujtojmë se pas kësaj përplasjeje, në të cilën Lewandowski shënoi, lojtari iu drejtua fansave të tij me gjeste lamtumire.
Përveç kësaj, pas ndeshjes, sulmuesi e bëri të qartë se mund të ishte ndeshja e tij e fundit me fanellën e Bayernit.
Lewandowski ka edhe një vit të mbetur në kontratën e tij, ajo përfundon në qershor 2023 dhe Bayern nuk do ta lejojë atë të largohet me asnjë çmim. Barcelona do të duhet të negociojë nënshkrimin e sulmuesit. /abcnews.al/
