Robert Lewandowski është një garanci golash dhe Bayern Munchen është me fat që ka në skuadër një sulmues të tillë. Polaku është pjesë e kampionëve të Gjermanisë prej vitit 2014 dhe vazhdon të vendosë rekorde me realizimet e tij.
Vjet fitoi gjashtë trofe me Bayernin, teksa u shpall edhe futbollisti më i mirë i vitit nga FIFA. Kontrata me bavarezët i përfundon në verën e vitit 2023, por nuk përjashtohet mundësia që të mos respektohet deri në fund.
Chelsea and Man City have emerged as contenders to sign Robert Lewandowski this summer, sources have told ESPN, with the striker undecided on his future. pic.twitter.com/JuDFTKXVPV
— ESPN FC (@ESPNFC) May 7, 2021
Ideja për të provuar një aventurë të re e tundon. ESPN raporton se Chelsea dhe Manchester City, dy finalistët e Champions League, kanë shfaqur interesimin e tyre për të nënshkruar me Lewandowskin.
Dy klubet e Premier League do t’i plotësonin çdo dëshirë për ta pasur në skuadrat e tyre, teksa lojtari i famshëm ndodhet në dilemë dhe po mendohet për të ardhmen e tij, diçka që shqetëson seriozisht Bayern Munchen. /abcnews.al
