Janë mbyllur 9 sfidat e javës së 33-të në Bundesligën gjermane, ku kishte një numër të madh golash. Bayern fitoi me rezultatin 3-1 ndaj Freiburg, rezultat që u vendos që në pjesën e parë. Lewandowski shënoi dy gola, duke arritur në 33 rrjeta të tundura në po kaq ndeshje në kampionatin gjerman.
LEXO EDHE: Plot 16 gola në pjesën e parë, vazhdon spektakli në Bundesliga!
Ndeshja më e rëndësishme ishte ajo mes Leipzig dhe Borussia Dortmund. Verdhezinjtë e Favre ia dolën të triumfonin me rezultatin 0-2, falë një dopiete të Haaland. Koln dhe Eintracht Frankfurt u ndanë në barazim 1-1, ndërsa Hertha mposhti pastër 2-0 Leverkusenin.
Hoffenheim e kishte stërvitje ndaj Union Berlin, duke fituar 4-0, ndërsa Mainz mposhti Werderin e Rashicës me rezultatin 3-1. Edhe Paderborni i Gjasulën humbi me të njëjtin rezultat ndaj Borussia Gladbach./abcnews.al
Mega Konferenz = mega excitement ?#BundesligaMD33 pic.twitter.com/pwjkGRJU25
— Bundesliga English (@Bundesliga_EN) June 20, 2020
