Leo Messi mbetet në qendër të vëmendjes. Nga Spanja ka zhvillime të reja në lidhje me të ardhmen e një prej futbollistëve më të mirë në histori.
Kontrata i përfundon më 30 qershor dhe bisedimet për rinovimin e marrëveshjes do të nisin së shpejt. Tashmë është zhvilluar edhe një takim i rëndësishëm që gëzon fansat e Barcelonës.
TVE raporton se ditën e sotme presidenti Joan Laporta është ulur në tryezë me babanë dhe njëkohësisht menaxherin e Leos, Jorge Messin.
Ky i fundit thuhet se ka qenë i qartë me presidentin Laporta. Ai i ka shprehur presidentit të katalanasve vullnetin e kapitenit për të nënshkruar një kontratë të re.
Mbetet të shihet nëse oferta e Barcelonës do të jetë në nivelin e duhur. Për Messin janë lakuar si klube të interesuara PSG dhe Manchester City, që kanë mundësinë financiare ta bindin sulmuesin. /abcnews.al
? Según ha podido confirmar TVE, Leo Messi ha dado el primer paso para quedarse en el Barça.
Su padre y agente, Jorge Messi ya se ha reunido con el presidente Joan Laporta para comunicarle que la intención de Leo es seguir en el Barça.
?https://t.co/VjKzBgo9IT pic.twitter.com/bY8D8wSCsV
— Telediarios de TVE (@telediario_tve) April 29, 2021
