Mundësia e punësimit të shpejtë po i afron të rinjtë me arsimin profesional. Pasi mori tre muaj mësime në gjimazin “Sami Frashëri” në Tiranë Isgela Hazizaj transferoi studimet në shkollën teknike – ekonomike.
“Këtu kemi në vit të parë dhe të dytë lëndë në zyrë, në të tretë dhe të kartërt shkojmë në biznese.”
Enea Dyrmishi donte aq shumë të diplomohej për ekonomi sa bindi dhe prindërit mosbesues që kalimi nga gjimnazi “Arben Broci” në shkollën teknike – ekonomike ishte vendimi I duhur.
“Mendoj se këtu mund të marr më shpejt një zanat. Mund të mësoj më shpejt për zgjedhjen që do bëj. Prindërit në fillim nuk pranuan. Mendonin se nuk do isha mirë në pjesën e ekonomisë.”
Melisa Lulo me mesataren që kishte mund të studionte në gjimnazet më të mira të Tiranës, por ndoqi pasionin e nisi shkollën profesionale.
“Më pëlqen moda. Gjimnazi I përgjithshëm nuk ofron të njejtat mundësi si gjimnazi ku unë jam. Mesataren në gjimaz, 9.7”
Në këtë shkollë profesionale me dy drejtime, ekonomi- biznes dhe tekstil -modë regjistrimet këtë vit janë rritur me rreth 40 %. Nëndrejtori Kastriot Molla tregon dhe arsyen.
“Kur mbyllin praktikën në biznes punësohen me kohë të pjesshme, më pas kanë një vend të sigurtë pune.
Këtë vit rritje regjistrimesh krahasuar me një periudhë gati tre vite nga 140- 160 nxënës, këtë vit 40% më tepër, mbi 230 të regjistruar në klasën e dhjetë. Ekonomikja vërtetë është profesionale, por kriter është që nxënësit të jenë mbi nivelin mesatar.”
Rreth 4 mijë e 700 të rinj këtë vit zgjodhën të ndjekin arsimin professional duke çuar numrin e nxënësve në 29 shkollat dhe 10 qendrat profesionale në vend në 14 mijë e 700 nxënës.
