Rafael Leao mund të konsiderohet me plot gojën lojtari më i mirë i Milan, me anësorin portugez, që sezon pas sezoni tregon vlerat e tij në fushën e lojës, ku këtë sezon me fanellën e “kuqezinjve” i dërgoi këta të fundit në gjysmë-finalen e UEFA Champions League.
Në lidhje me rëndësinë e Leao dhe merkaton e verës së Milan, një koment të shkurtër ditën e sotme e ka bërë dhe “legjenda” e sulmit të “kuqezinjtë”, ukrainasi, Andriy Shevchenko, i cili e konsideron portugezon si një lojtar tepër të rëndësishëm në organikën e Milan.
“Leao është një lojtar i rëndësishëm, le të shpresojmë se ai do të qëndrojë, kam lexuar që Paolo Maldini tha se ai do të qëndrojë. Rafael mund të rritet edhe më shumë. Paolo e njeh shumë mirë, ai do të bëjë gjithçka për të forcuar ekipin bashkë me Massaran, duhet të besosh tek ata”,- u shpreh Shevchenko. /i.m /abcnews.al
