Ngjitja në karrierë për Caleb Ekuban nuk ka përfunduar dhe së fundmi mësohet se ai do e lërë Trabzonsporin dhe Turqinë, për t’u rikthyer në Itali, aty ku bëri hapat e parë si profesionist.
Ish-sulmuesi i Partizanit, me të cilët ganezi shënoi 17 gola në sezonin 2016-2017 do të transferohet te skuadra e Genoas. Vlera e transferimit të sulmuesit do jetë 2 milionë euro.
Vetë 27-vjeçari do të firmosë deri në verën e vitit 2025. Sipas Corriere dello Sport kanë mbetur vetëm detajet e fundit për ta quajtur këtë transferim të mbyllur.
Ekuban largohet pas tre sezonesh nga turqit, ku u shit nga Leeds United për 1 milionë euro. Në sezonin e fundit ai mori pjesë në 10 ndeshje dhe shënoi 10 gola, duke regjistruar sezonin e dytë më të mirë. /abcnews.al
