Ministri i Jashtëm rus Sergei Lavrov, i cili ndodhet në një tur në Amerikën Latine, bëri thirrje për tu bashkuar kundër shantazhit të Perëndimit.
“Është e nevojshme të bashkojmë forcat tona për t’u përballur me përpjekjet e shantazhit dhe presionet e njëanshme të paligjshme të Perëndimit,” tha Lavrov gjatë një konference për shtyp me homologun e tij venezuelian Ivan Zil, duke folur për “një botë shumëpolare”.
Lavrov zhvilloi bisedime në mbrëmje me presidentin e Venezuelës Nicolas Maduro. Ky i fundit foli në Tëitter për një “takim që forcon marrëdhëniet dypalëshe dhe planin e bashkëpunimit” mes dy vendeve.
Pas Brazilit, Venezuela është ndalesa e dytë e turneut të Lavrov në Amerikën Latine. Ai gjithashtu do të shkojë në Kubë dhe Nikaragua.
Ministri rus iu referua edhe luftës në Ukrainë, duke siguruar: “Ne do të zgjidhim situatën në Ukrainë dhe konfliktet e tjera në botë falë parimeve të Kartës së Kombeve të Bashkuara për sovranitetin e shteteve.
“Misioni ynë është të sigurohemi që Karta e Kombeve të Bashkuara të zbatohet në tërësinë e saj dhe që e drejta për vetëvendosje të mos shfuqizohet kur i përshtatet Perëndimit,” shtoi ai.
/abcnews.al
