U rikthye në momentin më të keq dhe u largua po në të njëjtën mënyrë. Ish-tekniku dhe “legjenda” e “bluve” të Chelsea, Frank Lampard ka vendosur të “thyejë” heshtjen dhe të flasë për problematike me të cilat u përballën londinezët sezonin e kaluar.
Sipas Lampard, niveli i lojtarëve u duk që në stërvitje, me trajnerin që ishte i vetëdijshëm, për formën skandaloze që ekipi po përjetonte, teksa nuk ia doli dot t’i bënte ballë një ekipi si Brentford e jo më “galaktikëve” të Real Madrid.
“Në stërvitje, pashë që ky është një nivel i pamjaftueshëm. Nuk mjaftoi të merrte një rezultat në një ndeshje në shtëpi me Brentford , për të mos përmendur Real Madridin.
Kur erdha në klub, pashë që nuk kishte shpirt ekipor dhe unitet. Asgjë e gabuar, por për të qenë më të mirët, duhet të stërviteni në nivelin më të lartë. Sapo na mungonte Real Madridi, Chelsea ishte në fund të sezonit. Nuk ishte e qartë se për çfarë po luanim. Nuk është normale për Chelsean.
Kur mbërrita, vura re shumë shpejt se si disa lojtarë mendonin se sezoni po përfundonte. Ata mendonin për të ardhmen.
Nëse do të isha një lojtar që nuk do të luaja për shtatë muaj duke e ditur se do të largohesha pas katër javësh, atëherë ndoshta nuk do të mund të gjeja motivimin. Unë nuk kam një shkop magjik për t’i motivuar ata”,- u shpreh Lampard për “aventurën” e tij të dytë në stolin e “bluve”. /i.m /abcnews.al
