Leo Messi është gjithnjë e më larg Barcelonës. Tifozët katalanas kanë shpresuar gjithmonë që do e mbyllte karrierën te skuadra e tyre e zemrës, por futbollisti më i mirë në planet ka vendosur të provojë një aventurë të re.
Babai i tij Jorge Messi, i cili është njëkohësisht agjenti i “pleshtit”, është nisur nga Rosario drejt Barcelonës me një avion privat. Diario Ole raporton se Jorge Messi do të takohet ditën e mërkurë me Josep Maria Bartomeu, presidentin e klubit spanjoll.
? [EXCLUSIVO] Jorge Messi, el padre de Lionel, en el momento de partir desde Rosario con destino a Barcelona en un avión privado. Se reunirá con Bartomeu para acelerar la salida del ’10’ del club pic.twitter.com/wXfhWmAseY
— Diario Olé (@DiarioOle) September 1, 2020
Bisedimet do të fokusohen në përshpejtimin e largimit të numrit 10 nga Barcelona. Leo e ka ndarë mendjen t’i japë fund eksperiencës së mrekullueshme në “Camp Nou” dhe pritet të transferohet në Premier League te Manchester City. /abcnews.al
