Barcelona i është rikthyer stërvitjes pas fitores 0-2 kundër Getafes. Të martën është dueli kundër Interit në Champions League. Ernesto Valverde shpreson që të rikuperojë Leo Messin dhe Jordi Albën për këtë ndeshje.
Të dy lojtarët, njëkohësisht shumë miq të ngushtë me njëri-tjetrin, kanë punuar veçmas gjatë ditës së sotme. AS raporton se dyshja është afër rikthimit dhe nesër mund t’i bashkohen ekipit në stërvitje.
Trajneri dhe tifozët shpresojnë që dy lojtarët të jenë gati për ndeshjen e mesjavës dhe të ndihmojnë Barcelonën që të sigurojë fitoren e parë në grupin F. /abcnews.al
