I dërguari special i BE-së për dialogun ndërmjet Beogradit dhe Prishtinës, Miroslav Lajçak, këtë të martë ka reaguar sërish në lidhje me takimin që ka zhvilluar me kryeministrin Albin Kurti një natë më parë në Prishtinë.
Lajçak përmes një postimi në rrjetin social Twitter shkruan se ai dhe i dërguari amerikan për Ballkanin, Gabriel Escobar janë thellësisht të shqetësuar për situatën në veri të Republikës së Kosovës.
“I dërguari amerikan Gabriel Escobar dhe unë u takuam me kryeministrin Albin Kurti dhe zëvendëskryeministrin Besnik Bislimi. Jemi thellësisht të shqetësuar për situatën në veri dhe bëjmë thirrje për qetësimin e menjëhershëm në terren, zgjedhje të parakohshme me pjesëmarrjen e serbëve në Kosova dhe kthimi në dialogun për normalizim”, ka shkruar Lajçak në Twitter.
?? DAS Escobar and I met with PM @albinkurti and first DPM @BislimiBesnik. We are deeply concerned about the situation in the north and call for immediate de-escalation on the ground, early elections with the participation of Kosovo Serbs and return to Dialogue on normalisation. pic.twitter.com/Ouc2eQHXDn
— Miroslav Lajčák (@MiroslavLajcak) June 6, 2023
Mbrëmjen e së hënës menjëherë pas takimit me Kurtin, Lajçak tha se ai dhe Escobar kërkuan nga kryeministri i institucioneve të përkohshme të Prishtinës qetësimin e situatës në veri të Kosovës, mbajtjen e zgjedhjeve të reja dhe kthimin në dialog.
Ndërkohë sot dy zyrtarët e lartë ndërkombëtarë ndodhen në Beograd ku do të takohen me presidentin e Serbisë Aleksandër Vuçiç./abcnews.al
