Lajçak: Diskutime intensive për një sërë temash konkrete mes Serbisë dhe Kosovës

Përfaqësuesi special i Bashkimit Evropian për dialogun mes Kosovës dhe Serbisë thotë se ka pasur diskutime intensive me zëvendëskryeministrin Besnik Bislimi dhe negociatorin nga Serbia, Petar Petkoviç. Lajçak ka shkruar se po zhvillohen diskutime për një sërë temash konkrete.

“Diskutime intensive me dy kryenegociatorët, Besnik Bislimi dhe Petar Petkoviq për një sërë temash konkrete po zhvillohen sot në Bruksel”, shkroi Lajçak.

Takimet e sotme pritet të shërbejnë për t’i vazhduar diskutimet e lidhura me zbatimin e marrëveshjeve të deritashme dhe hapat e ardhshëm në normalizimin e raporteve mes Kosovës dhe Serbisë. /abcnews.al