Laçi dhe Bylisi kanë ndarë nga një pikë ditën e sotme, pasi përballja e tyre ka përfunduar me rezultatin e bardhë 0-0. Ballshiotët arritën të ishin më konkretë dhe i bllokuan vendasit, që në tre momente rrezikuan portën e Isli Hidit. E pamjaftueshme për bardhezinjtë, që synojnë Europën dhe deri më tani kanë marrë vetëm një fitore në kampionat. Bylisi në anën tjetër me këtë barazim kryeson kampionatin, me pikë të barabarta (12) me Skënderbeun dhe Teutën. Gjithsesi mund ta humbë nëse Kukësi mposht Vllazninë.
NDESHJA – Ballshiotët janë vendosur mjaft mirë në fushë dhe ushtrojnë presing, duke bllokuar sulmet e vendasve. Gjithsesi as kundërsulmet e tyre nuk sjellin rrezik. Për t’u përmendur është në traversë e kurbinasve, pas një rrëmuje në zonën e portierit Isli Hidi. Pjesa e parë ka qenë e vakët sa u takon rasteve. Për t’u përmendur lufta e fortë sportive në çdo sektor, por që nuk solli asnjë gol. 0-0 dhe skuadrat u drejtohen dhomave të zhveshjes.
Starova dhe Dovendan nuk bënë asnjë ndërrim dhe loja nisi me të njëjtën mënyrë. Ballshiotët nisën të besonin më shumë dhe trajneri mik hodhi në fushë Celis dhe Miobe, të dy sulmues. Loja nuk ndonjë ndryshim, shumë luftë sportive dhe mungesë rastesh. Eglentin Gjoni dhjetë minuta nga fundi pëson një dëmtim dhe dërgohet me autoambulancë në spital, për të marrë ndihmë më të specializuar.
Në minutën e 84-t Bicaj mori kartonin e dytë të verdhë, duke e lënë Bylisin me një lojtar më pak. Teco ekzekutoi goditjen e dënimit dhe portieri Hidi bëri një ndërhyrje vendimtare, duke e shpëtuar skuadrën e tij nga goli. Edhe në shtesë ai ndali sërish brazilianin, i cili nga brenda zonës nuk shënoi dot. Celis për Bylisin rrezikoi gjithashtu pak më pas. Sulmet e fundit nuk ishin efikase dhe ndeshja përfundoi 0-0.
KATEGORIA SUPERIORE – JAVA 7
E shtunë, më 5 tetor, ora 14:00
Stadiumi “Laçi”, Laç
LAÇI-BYLIS 0-0
Laçi: Stazhilla, Fangaj (Malçi 88′), Ignjatovic, Gjoni (Turkaj 80’), Domgjoni, Shehu, Deliu, Lushkja, Teco, Xhixha, Nwabueze. Trajner: Sulejman Starova
Bylisi: Hidi, Ymeraliaj, Goxha, Bicaj, Peposhi, Janku (Celis 60’), Mëllugja, Murataj (Ujka 87′), Ntephe, Qardaku (Mbiobe 55), Guindo. Trajner: Veljko Dovedan
Gjyqtarë: Juxhin Xhaja, Dojando Myftari, Denis Agaraj, Erion Bastari
Kartonë të verdhë: Fangaj 76’ / Bicaj 21’, 84’ Janku 45+1’, Hidi 69’, Celis 74’, Murataj 81’
Karton i kuq: Bicaj 84’ (2v)
/abcnews.al
