Kryeministri Edi Rama thotë se tek të rinjtë, sheh ende shpresë që gjuha shqipe mund t’i mbijetojë barbarisë së këtij shekullit, e cila kërcënon gjuhët në tërësi.
Në fjalën e tij në Kuvendin Kombëtar të Gjuhës Shqipe, Rama u shpreh se shumë shpejt, shqipja do të jetë gjuhë zyrtare në Bashkimin Evropian.
“Ky është një falenderim që lidhet me një ndjesi befasie që unë personalisht përjetova nga niveli i konkursit dhe nga fakti që duke parë nxënës të konkurrojnë në këtë lëndë jo të lehtë, aq më tepër ku jetojnë, si rezultat i rrjeteve sociale, ju them sinqerisht se mendova se ka ende shpresë, që gjuha shqipe t’i mbijetojë barbarisë së këtj shekulli e cila kërcënon gjuhët në tërësi dhe vetë rrënjët e njerëzimit në përgjithësi. Sa i takon emrin shqip, shqiptar, Shqypni, ky emër shkuran Çabej shihet me dyshim. E megjithatë, ne nuk kemi munguar asnjëherë që të kontestojmë deri në Çabejin e madh, në kërkim të nxjerrjes së të shkuarës, të një lavdie që do mjaftonte ta kërkonim dhe ta mbanim fort te e vërteta, dhe jo te fantazitë e delirët e së sotmes. Sot, ky Kuvend Kombëtar i Gjuhës Shqipe, është përmbajtësor për disa arsye të rëndësishme, në përvjetorin e 160 të miratimit të alfabetit të gjuhës shqipe, lidhet edhe me një moment, kur shqipja bëhet faktikisht edhe përmes kësaj date të veçantë, një përkatësi e të gjithëve ne. Një përkatësi e jona, që nuk e heq dot dhe nuk na vjen kërcënimi vetëm nga vetvetja, lidhur me këtë, por shumë shpejt do të jetë gjuhë zyrtare në BE. Shqipja me siguri,d o të rreshtohet nër më të rrallat dhe të veçantat në BE. Ky Kuvend vjen edhe si një produkt si samiti i tretë i diasporës, ku shqipja ishte një nga temat kryesore dhe nga ku ne dolëm së bashku me gjithë atë komunitet në disa përfundime dhe morëm disa vendime. Në zinxhirin e historisë sonë, ka pasur disa besëlidhje. Pjesë e zinxhirit të besëlidhje eështë edhe dita e Kongresit të Manastirit, ku një grup shqiptarësh patën vizionin, guixmin dhe patën vullneitn t’u japin shiqptarëve, atëherë dhe përgjithmonë, alfabetin e tyre, në kushtet kur nuk ishte aspak e lehtë. Dhe sikur at Gjergj Fishta, tha, o burra, uluni në shesh të zgjedhim një komision, çka të bëjmë sot për të mirën e shqiptarëve nesër”, theksoi ai./abcnews.al
