Kryeministri i Kosovës, Albin Kurti takoi këtë të premte në Pristhtinë, ambasadorët e vendeve të QUINT-it.
Takimi me diplomatët e akredituar në Kosovë është zhvilluar në ndërtesën e Qeverisë, dhe në fund të tij nuk ka pasur deklarime për media.
Diskutimi i Kurtit me ambasadorët vjen vetëm një ditë pasi në Kosovë ka qëndruar për vizitë emisari i Bashkimit Evropian për dialogun Kosovë-Serbi, Miroslav Lajçak.
Të enjten në mëngjes, Lajçak ka takuar Kurtin dhe zëvendësin e tij, Besnik Bislimin, ndërsa më vonë ka qëndruar në Mitrovicë ku është takuar me kryetarin Bedri Hamza, pastaj me politikanë serbë dhe përfaqësues të shoqërisë civile.
