Shumë njerëz janë mësuar të hanë shumë shpesh jashtë, por zgjedhin ushqime që nuk u duken të majme apo të dëmshme për shëndetin e tyre. Një shembull tipik janë sallatat. E megjithatë, zgjedhja për të ngrënë sallata nga jashtë nuk garanton në asnjë mënyrë që nuk do të hani diçka veçanërisht të majme. Sepse është krejtësisht ndryshe të hash një sallatë që ke bërë në shtëpi, e bërë me përbërës që ke blerë nga vendasit në raport me një sallatë që e ke marrë nga një zinxhir i ushqimit të shpejtë.
Le të flasim për fakte: një sallatë që blejmë nga një dyqan zinxhiri i ushqimeve të shpejta përmban mesatarisht pak më pak se 1300 kalori. Ky është një numër kaq i madh kalorish saqë është rreth gjysma e kalorive që mund të marrë një mashkull në ditë dhe pak më pak se totali i kalorive që një grua mund të marrë në ditë (pa shtuar peshë). E thënë thjesht, një sallatë e këtij lloji është tepër e majme.
Kjo pasi përveç përbërësve të tillë si sallata, lakra dhe domatet, këto sallata përmbajnë edhe yndyrna shtesë që rrisin në mënyrë dramatike kaloritë e tyre. Në fakt, nëse përmbajnë edhe djathë parmixhano (siç ndodh shpesh) atëherë kaloritë rriten edhe më shumë.
HealthGrove, një faqe interneti që merret me çështjet e higjienës dhe e përbërë nga ekspertë të specialiteteve të ndryshme, bëri një kërkim se sa yndyrë specifike janë këto sallata dhe hyri në një proces të krahasimit të kalorive të tyre me lloje të ndryshme hamburgerësh. Është tipike se ai zbuloi 40 lloje hamburgerësh, të bërë nga zinxhirë të mëdhenj, të cilët kanë më pak kalori se sa një sallatë që mund të blihet prej tij nga të njëjtat zinxhirë!
Pra, le ta kemi parasysh këtë: të hash shpesh sallata është një zgjedhje diete e shëndetshme dhe pak dhjamore, por jo gjithmonë. Kjo është diçka që ka të bëjë kryesisht me sallatat që hamë në shtëpi!/abcnews.al
