Kreu i Partisë Demokratike, Lulzim Basha zhvilloi edhe këtë të shtunë një bashkëbisedim me gazetarët në selinë blu, ku sqaroi një sërë çështjesh.
Ndër të tjera, Basha u pyet nga gazetari i Abc News, Juxhin Mustafaraj edhe për zhvillimet e brendshme në PD, konkretisht për zgjedhjen e drejtuesve në qarqe.
Lidhur me këtë, Basha tha se në degët e PD po punohet me ritme dhe çdo hap që do të hidhet do të jetë publik dhe transparent.
LEXO EDHE: Kur do të publikohen emrat e drejtuesve në qarqe? Basha flet për punët e brendshme të PD
“Puna në terren nuk ka ndaluar për asnjë sekond. Çdo hap që do të hidhet do të jetë publik dhe transparent. PD në çdo qark dhe degë, sot anëtarët e PD dhe drejtuesit janë në një ritëm 100%. Ky është një realitet që ka nisur që nga qershori, kur nisi procesi për evidentimin e kandidaturave. Por që nuk ka ndalur as me denoncimet dhe qëndrimit pranë qytetarë. Do të vazhdojë edhe me hapa të tjerë, duke përfshirë edhe drejtuesitt në qarqe, deputetët dhe gjithë strukturat që do të angazhohen për të përfaqësuar denjësisht”, deklaroi Basha. g.v/abcnews.al
