Loading ...
Xhevahiri i ekipit kombëtar, Marash Kumbulla, po zhvillon sezonin më të mirë në karrierë, ndërsa shpesh herë ka përfunduar në faqet e para të mediave italiane. Elozhet për 20-vjeçarin nuk kanë munguar dhe paraqitjet në fushën e lojës me fanellën e Hellas Verona kanë qenë fantastike, aq sa nuk u kane shpëtuar syve më të mprehtë të drejtuesve më të mirë sportivë në Itali.
Inter dhe Lazio janë dy ekipet favorite për të siguruar shërbimet e djaloshit nga Malësia e Madhe, kurse Juventus dhe Napoli janë tërhequr nga gara. Verona kërkon të përfitojë sa më shumë të jetë e mundur, ndërsa trajneri i klubit Italian Ivan Juriç ka lavdëruar lojtarin për sezonin e mrekullueshëm.
“Kumbulla është gati për të luajtur me një skuadër të madhe, megjithatë unë do të doja të qëndronte këtu edhe për një vit tjetër. Më pëlqen shumë”, u shpreh trajneri kroat.
Kumbulla nuk është prononcuar për asnjë moment për të ardhmen e tij, ndërsa me të gjitha gjasat ky është sezoni i fundit me klubin ku hodhi hapat e para në karrierë e që tashme po shkëlqen si futbollist. /abcnews.al
