Një person ka rënë në prangat e policisë së Kurbinit dhe një tjetër është shpallur në kërkim pasi akuzohen për kultivim të lëndëve narkotike.
Sipas policisë mësohet se në kuadër të megaoperacionit policor antikanabis të koduar “Imazhi”, në fazën e 37 të tij është bërë i mundur arrestimi i një prej autorëve të dyshuar dhe është shpallur në kërkim nipi i tij.
Gjithashtu si rezultat i kontrolleve nga toka dhe me dronë, në fshatin Zheje, Kurbin, shërbimet e Policisë gjetën të kultivuara në 3 sipërfaqe toke të ndryshme, 350 bimë të dyshuara narkotike cannabis sativa, të cilat pas kryerjes së veprimeve procedurale, u asgjësuan nëpërmjet djegies.
Ndërkohë materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme./abcnews.al
