Loading ...
“Rusia është zënë në kurth në një tigan sanksionesh dhe do të gatuhet në ditët që vijojnë.” Kjo ishte metafora që përdori ministri i Jashtëm i Ukrainës për të shpjeguar situatën, pas takimit me presidentin amerikan Joe Biden dhe Sekretarin amerikan të Shtetit në Varshavë.
Po ashtu, Dmytro Kuleba tha se SHBA-të kanë premtuar që të rrisin ndihmën ushtarake për Ukrainën.
“Asnjë shtet tjetër s’i ka dhënë Ukrainës më shumë mbështetje se Shtetet e Bashkuara. Dhe, kjo është shumë e rëndësishme,” shtoi ai.
“Rezistenca ukrainase dhe armët perëndimore, kryesisht armë amerikane, është receta e suksesit në fushën e betejës.”
Kuleba nuk dha asnjë detaj në lidhje me ndihmën shtesë ushtarake, por thotë: “Sot morëm premtime shtesë nga Shtetet e Bashkuara se si do të evoluojë bashkëpunimi ynë në mbrojtje.” /abcnews.al/
