Kukësi i ka dhënë ditën e sotme ‘lamtumirën” Kupës së Shqipërisë pasi nuk arriti të kualifikohej kundër Egantias për në çerekfinale.
Takimin e ditës së sotme edhe pse arriti ta fitonte Kukësi me rezultatin 1-0, në fazën tjetër kaloi Egnatia e cila kishte fituar takimin e parë me shifrat 3-1.
Pas kësaj ndeshjeje ka reaguar në rrjetet sociale edhe trajneri i verilindorëve, Diego Longo, i cili është shprehur se është shumë i kënaqur me lojën e skuadrës në ndeshjen e sotme, por “qan” ndeshjen e parë kundër Egnatias.
“Një nga ndeshjet më të mira të luajtura, edhe pse fitorja nuk mjaftoi për të kaluar turin. Mëkat për ndeshjen e parë, por me të vërtetë një ndeshje e mirë. 85% mbajtje topi, një shtyllë, shumë raste të qarta dhe një gol i anuluar në fund. Duhet të vazhdojmë kështu. Nëse ndokush nuk e kupton, më vjen keq për të, por është një problem i tiji. Tani të mendojmë të rikuperojmë dhe menjëherë mendjen te Tirana. Të hënën do të jetë një ndeshje e madhe”, ka shkruar Longo.
/f.a/abcnews.al
