Shumë njerëz, kur zgjohen dhe duan të hanë mëngjes, zgjedhin diçka të lehtë pa përgatitje të veçantë për të mos u vonuar në punë. Disa njerëz nuk kanë kohë për të ngrënë siç duhet ose nuk hanë fare.
Të gjithë e dimë se mëngjesi është vakti më i rëndësishëm i ditës. E bën metabolizmin të funksionojë në mënyrë aktive dhe na jep energji. Pra, është e nevojshme të hani mëngjes çdo ditë.
Pancakes, proshutë dhe kos janë një mënyrë e mirë për të nisur ditën tuaj. Megjithatë shumica e njerëzve zgjedhin vetëm të pinë kafe. Nëse e keni stomakun bosh, mund të zgjidhni një vakt të lehtë ose fruta. Megjithatë, këto ushqime nuk janë më të mirat për stomakun tuaj.
Cilat ushqime duhet të shmangni me stomakun bosh?
Ne mund të dimë disa gjëra themelore, por ka ushqime që nuk duhet t’i hamë me stomakun bosh në mëngjes.
Shumica e njerëzve e dinë se nuk duhet të konsumojnë akullore dhe ëmbëlsira për mëngjes. Megjithatë, ka shumë ushqime “të shëndetshme” që mund të dëshironi të shmangni. Disa nga ato që do të shihni më poshtë, janë të mira si pjesë e mëngjesit por jo për t’u konsumuar vetëm.
Shumë njerëzve u pëlqen të hanë portokall ose grejpfrut për mëngjes, por kjo mund të shkaktojë probleme. Hearty Soul shpjegon se agrumet mund të irritojnë pjesën e poshtme të ezofagut, veçanërisht nëse i hani me stomakun bosh.
Mund t’ju habisë, por bananet nuk janë zgjidhja më e mirë për mëngjes. Sipas Brightside, ato mund të rrisin në mënyrë dramatike sasinë e magnezit në gjakun tuaj. Kjo ndoshta do t’ju lëndojë zemrën./abcnews.al
